Məqsəd 13 . İqlim dəyişikliyi və onun təsirlərinə qarşı mübarizə üzrə təcili tədbirlər görmək

DİM üzrə milli səviyyədə irəliləyişin monitorinq və qiymətləndirilməsi

13.1.1 Fəlakətlər nəticəsində həlak olmuş, xəsarət almış, xilas və təxliyə olunmuş şəxslərin sayı, əhalinin hər 100000 nəfərinə(1)

image-1311--felaketler-neticesinde-helak-olmus-xesaret-almis-xilas-ve-texliye-olunmus-sexslerin-sayi-ehali

2010-2022-ci illər ərzində əhalinin hər 100000 nəfərinə düşən fəlakətlər nəticəsində həlak olmuş, xəsarət almış, xilas və təxliyə olunmuş şəxslərin sayı əhəmiyyətli dərəcədə azalaraq 280,6-dan 18,5-dək enmişdir. 2022-ci ildə fəlakətlər nəticəsində 67 nəfər həlak olmuş, 296 nəfər xəsarət almış, 1399 nəfər təxliyə olunmuş, 104 nəfər isə xilas olunmuşdur.

(1) Göstərici BMT-nin DİM üzrə qlobal göstəricilər sistemində “13.1.1 Fəlakətlər nəticəsində həlak olmuş, itkin düşmüş və birbaşa zərər çəkmiş şəxslərin əhalinin hər 100000 nəfərinə düşən sayı” kimi müəyyən edilmişdir. Nəşrdə inzibati məlumatlardan istifadə edilərək göstərici milli kontekstdə verilmişdir.

13.2.2 İstixana qazlarının ümumi illik emissiyaları, milyon ton (CO2 ekvivalentində)

image-1322-istixana-qazlarinin-umumi-illik-emissiyalari-milyon-ton-co2-ekvivalentinde

İstixana qazının ümumi illik emissiyaları 2010-cu illə müqayisədə 11.2 faiz artaraq 2018-ci ildə 53.6 milyon ton təşkil etmişdir. 2018-ci ildə istilik effekti yaradan qazların 61,0 faizi və ya 32,7 milyon tonunu karbon qazı (CO2), 6,5 faizi və ya 3,5 milyon tonunu azot bir oksid (N2O), 31,5 faizi və ya 16,9 milyon tonu metan (CH4) və 0,9 faizi və ya 0,5 milyon tonunu Fqazları təşkil etmişdir.