Məqsəd 6 . Hamı üçün su və sanitariyaya əlçatanlığı və dayanıqlı idarə etməni təmin etmək.

DİM üzrə milli səviyyədə irəliləyişin monitorinq və qiymətləndirilməsi

6.3.1 Təhlükəsiz qaydada təmizlənən çirkab suların xüsusi çəkisi [1]

image-631-tehlukesiz-qaydada-temizlenen-chirkab-sularin-xususi-chekisi-[1]

2010-2022-ci illər ərzində təhlükəsiz qaydada təmizlənən çirkab suların xüsusi çəkisi 1,3 faiz bəndi azalaraq 57,5 faizdən 56,2 faizə düşmüşdür.

2021-ci ilə nisbətən 2022-ci ildə atılan çirkab suların ümumi həcmi 3,0 faiz azalaraq 5237,1 milyon kub metrdən 5082,6 milyon kub metrə düşmüşdır.

^[1] BMT-nin qlobal göstəricilər sistemində bu göstərici “6.3.1 Təhlükəsiz qaydada təmizlənən məişət və sənaye çirkab su axınlarının xüsusi çəkisi” kimi müəyyən edilmişdir. Göstərici nəşrdə rəsmi statistika məlumatları əsasında milli kontekstdə verilmişdir.

6.4.1 Sudan istifadə səmərəliliyinin dəyişməsi, ABŞ dolları/m3

image-641-sudan-istifade-semereliliyinin-deyismesi-abs-dollarim3

2016-cı illə müqayisədə ölkədə sudan istifadə səmərəliliyi 0,88 ABŞ dolları/m3 artaraq 2019-cu ildə 4,58 ABŞ dolları/m3 təşkil etmişdir.

6.4.2 Su ehtiyatlarına düşən yükün səviyyəsi: götürülmüş şirin suyun mövcud şirin su ehtiyatlarında xüsusi çəkisi, faizlə

image-642-su-ehtiyatlarina-dusen-yukun-seviyyesi-goturulmus-sirin-suyun-movcud-sirin-su-ehtiyatlarinda-xus

2010-2019-cu illər ərzində istifadə üçün götürülmüş şirin suyun mövcud şirin su ehtiyatlarında xüsusi çəkisi 7,15 faiz bəndi artaraq 48,43 faizdən 55,58 faizədək yüksəlmişdir.

Göstərici üzrə dinamika mövcud bərpa olunan şirin su ehtiyatlarına təzyiqin artdığını ifadə edir. Belə ki, təbii mənbələrdən götürülən şirin suyun ümumi həcmi 2010-cu ildəki 10970 milyon kub metrdən 14,8 faiz artaraq 2019-cu ildə 12590 milyon kub metr olmuşdur.