Məqsəd 7 . Hamının sərfəli, etibarlı, dayanıqlı və müasir enerji mənbələrinə çıxışını təmin etmək

DİM üzrə milli səviyyədə irəliləyişin monitorinq və qiymətləndirilməsi

7.1.1 Elektrik enerjisinə çıxışı olan əhalinin xüsusi çəkisi

image-711-elektrik-enerjisine-chixisi-olan-ehalinin-xususi-chekisi

Baxılan dövrdə ölkədə elektrik enerjisinə çıxış hamı üçün əlçatan olmuşdur. Belə ki, 2010-2022-ci illər ərzində elektrik enerjisinə çıxışı olan əhalinin xüsusi çəkisi 100 faiz təşkil etmişdir.

7.2.1 Son enerji istehlakının ümumi həcmində bərpa olunan enerjinin xüsusi çəkisi, faizlə

image-721-son-enerji-istehlakinin-umumi-hecminde-berpa-olunan-enerjinin-xususi-chekisi-faizle

2010-2019-cu illər ərzində ümumi enerji təchizatında bərpa olunan enerjinin xüsusi çəkisi 2,6 faiz bəndi azalaraq 4,2 faizdən 1,6 faizədək enmişdir.

2019-cu ildə bərpa olunan mənbələrdən enerji təchizatı 2010-cu ilə nisbətən 31,9 faiz azalaraq 263,4 min neft ekvivalenti tonu (NET) təşkil etmiş və onun 51,1 faizi sudan, 44,0 faizi biokütlə (bioyanacaq) və tullantılarından, 1,4 faizi günəş enerjisindən, 3,5 faizi isə küləkdən alınmışdır.

7.3.1 İlkin enerji istehlakının ÜDM-ə nisbəti kimi hesablanan enerji tutumu, kq neft ekvivalenti/min manatla

image-731-ilkin-enerji-istehlakinin-udm-e-nisbeti-kimi-hesablanan-enerji-tutumu-kq-neft-ekvivalentimin-man

2010-cu ilə nisbətən 2019-cu ildə hər min manatlıq məhsul istehsalına sərf olunan ilkin enerjinin həcmi, yəni enerji tutumu 19,7 faiz artmışdır. 2019-cu ildə ümumi enerji təchizatının 21,3 faizi transformasiyaö1ğ sektorunun proseslərinə, 5,4 faizi itkilərə, 6,6 faizi energetika sektorunun daxili istehlakına, 66,3 faizi son istehlaka və 0,4 faizi digər məqsədli istehlaka sərf edilmişdir.

[1]Transformasiya (çevrilmə) - prosesə daxil olan məhsulun bütün və ya bir qisim enerji tərkibinin prosesdən çıxan bir və ya daha artıq müxtəlif məhsullara doğru hərəkət prosesidir (məs., koks kömürü koksa, xam neft neft məhsullarına, ağır yanacaq nefti elektrik enerjisinə).