2023-cü il iyun ayının 24-də Dövlət Statistika Komitəsinin inzibati binasında statistik məlumatların istifadəçiləri ilə “Dayanıqlı inkişaf statistikası və regionlar statistikası: nailiyyətlər, problemlər və perspektivlər” mövzusunda görüş keçirilib. Tədbirdə aidiyyəti dövlət qurumlarının və qeyri-hökumət təşkilatlarının nümayəndələri iştirak ediblər.
Dövlət Statistika Komitəsinin Dayanıqlı inkişaf statistikası şöbəsinin əməkdaşları “Dayanıqlı inkişaf statistikası: nailiyyətlər, problemlər və perspektivlər”, “Regionlar statistikası: nailiyyətlər, problemlər və perspektivlər” mövzusunda təqdimatlarla çıxış edərək iştirakçıları dayanıqlı inkişaf statistikası və regionlar statistikası sahəsində görülmüş işlər, əldə olunmuş nailiyyətlər, mövcud problemlər, həyata keçirilməsi planlaşdırılan tədbirlər və s. məsələlərlə bağlı məlumatlandırmış, onları maraqlandıran sualları cavablandırmışlar.